Stacioni hekurudhor me shpejtësi të lartë më i madh në botë!

Me afrimin e shpejtë të Lojërave Olimpike Dimërore të Pekinit 2022, treni i parë me shpejtësi të lartë në botë që vet-drejtohet është tashmë në veprim, duke transportuar atletë dhe zyrtarë midis dy qyteteve kryesore që presin lojërat në hekurudhën historike ndërqytetëse Pekin-Zhangjiakou.

Fakti që ky tren me plumb mund të lëvizë vetë është mjaft i mrekullueshëm. Por pjesërisht në udhëtimin 56-minutësh, ai kalon nëpër një tjetër mrekulli inxhinierike: Stacionin e Murit të Madh Badaling. Përfunduar në vitin 2019, stacioni është një hedhje guri larg hyrjes në Badaling, seksioni më i njohur i murit shekullor. Për të mbrojtur monumentin ikonë nga dëmtimet strukturore, linja hekurudhore dhe stacioni i saj shoqërues u ndërtuan thellë nën tokë.

E ‘varrosur’ 102 metra nën tokë dhe duke mbuluar një sipërfaqe prej më shumë se 36 mijë metra katrorë, struktura trekatëshe thuhet se është stacioni hekurudhor më i thellë dhe më i madh në botë nëntokësor me shpejtësi të lartë. Ndërtimi i një stacioni kaq kompleks, i cili përfshin një sistem tuneli 12 kilometra të gjatë, nën një vend të Trashëgimisë Botërore të UNESCO-s nuk ishte diçka e lehtë.

Sipas mediave shtetërore të Kinës, inxhinierët përdorën një detonator elektronik për të saktësuar kohën e eksplozivëve deri në milisekondë. Ishte hera e parë që teknologjia u përdor në Kinë dhe i lejoi punëtorët të ruanin një shpejtësi dridhje nën 0.2 centimetra për sekondë. Kjo do të thotë se çdo shpërthim ishte llogaritur saktësisht për të siguruar që ndikimi nuk do të ishte më i fortë se një hap i vetëm në Murin e Madh.

Duke filluar nga viti 2016, ndërtimi i tunelit dhe stacionit u deshën rreth tre vjet për t’u përfunduar. Hekurudha e shpejtësisë së lartë shkurton udhëtimin nga kryeqyteti i Kinës në Murin e Madh Badaling nga rreth 1.5 orë — bllokimi i trafikut mund ta bëjë atë kohë shumë më të gjatë — në rreth 27 minuta. Stacioni është disa minuta larg nga stacioni i teleferikut Great Wall dhe rreth 800 metra nga pika e fillimit të Murit të Madh Badaling. Është gjithashtu shtëpia e shkallës së dytë më të gjatë të Kinës, e cila shtrihet 88 metra e gjatë dhe 42 metra e lartë.

Për shkak të distancës nga platforma e trenit, porta e stacionit mbyllet për mbajtësit e biletave 12 minuta përpara nisjes së trenit të fundit, në vend të pesë minutave të zakonshme në stacionet e tjera në Kinë, për të siguruar që pasagjerët të kenë kohë të mjaftueshme për të bërë rrugë përmes stacionit masiv. CNN

Edel Strazimiri / SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.