Sufiçit më i lartë i kafesë këtë vit / ICO: 2.3 mln thasë tepër në botë. Konsumi do të rritet vitin tjetër

Organizata Ndërkombëtare e Kafesë ka rritur projeksionet për sufiçitin botëror në këtë sezon në raportin mujor të Qershorit, por theksoi se prodhimi do të bjerë poshtë kërkesës botërore në sezonin e ardhshëm.  Organizata rriti vlerësimet për sufiçitin në sezonin 2020/21 në 2.3 milionë thasë në Qershor, nga 2.01 milionë thasë që projektoi në Maj, kryesisht prej uljes së projeksioneve mbi konsumin. Konsumi pritet tashmë në 167.2 milionë thasë për sezonin, nga 167.58 milionë që priste më parë dhe poshtë nivelit të para pandemisë prej 168.5 milionë thasë.  Organizata pret që prodhimi nga shumë vende, përfshirë Brazilin, të bjerë në sezonin e ardhshme dhe  vlerëson se konsumi do vazhdojë rritjen ndërkohë që kufizimet e pandemisë po zbuten. Eksportet botërore të kafesë arritën në një total prej 9.8 milionë thasë 60 kg në Maj 2021, në rënie me 10.1% me bazë vjetore.

Klevis Llaha – SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.