Tani ka vetëm një person në botë që ka ndikim mbi Vladimir Putin!

“Gjëja më e mirë” që Kina mund të bëjë tani është të ndërmjetësojë një marrëveshje paqeje midis Rusisë dhe Ukrainës, tha ekonomisti Stephen Roach. “Ka vetëm një person në botë, mendoj unë, që ka ndikim mbi Vladimir Putin – dhe ai është presidenti kinez, Xi Jinping,” tha Roach. “Dua të them, Kina me të vërtetë mban kartat e duhura në dorë dhe mendoj se i takon Xi-t ta shfrytëzojë këtë moment,” shtoi ai.

Luftimet janë intensifikuar në shumë qytete të Ukrainës dhe Putin  nuk ka treguar asnjë shenjë se ka hequr dorë.

SHBA, Britania e Madhe dhe Bashkimi Europian janë përpjekur të godasin Rusinë me sanksione pasi ajo pushtoi Ukrainën. Kina, megjithatë, ka thënë se nuk do të marrë pjesë në sanksione dhe ka refuzuar ta quajë sulmin e Rusisë ndaj Ukrainës një pushtim.

Në vend të kësaj, Pekini ka promovuar negociatat dhe është pozicionuar më larg nga Rusia sesa u portretizua në fillim të shkurtit gjatë një takimi të profilit të lartë midis Xi dhe Putin. Gjatë atij takimi në ditën e hapjes së Lojërave Olimpike Dimërore në Pekin, udhëheqësit njoftuan një partneritet “pa kufij”, duke premtuar se do të bashkëpunojnë më shumë kundër Perëndimit.

Roach tha se Kina në vend të kësaj duhet të “kërcënojë të heqë qilimin” nëse Putin “nuk luan top”. Ai tha se do të ishte gabim që Pekini të dyfishonte partneritetin e tij me Moskën kur bota po ushtron presion të jashtëzakonshëm ndaj Rusisë. Roach tha se një veprim i tillë do ta quante Kinën si fajtore për asocim për një “kohë të gjatë, shumë të gjatë”.

“Ai nuk mund të përballojë të qëndrojë në atë kurs – ky do të ishte një gabim i përmasave historike për Xi Jinping,” tha Roach. CNBC

Edel Strazimiri / SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.