“Tigri dhe ‘zilja”, proverbi i recituar nga Xi Jinping zbulon rolin e Kinës në luftën Rusi-Ukrainë

Biseda mes presidentit kinez Xi Jinping dhe presidentit amerikan Joe Biden zgjati dje rreth dy orë. Një videotelefonatë shumë e gjatë nga e cila në fund nuk u kuptua shumë. Kina mban këtë qëndrim që disa e përcaktojnë të paqartë, të tjerët neutrale, por në thelb ajo nuk po ekspozohet në asnjë mënyrë tjetër përveçse duke thënë se dëshiron paqe. Dhe për këtë, me pak fjalë, nuk është se ka pasur shumë dyshime edhe para video-telefonatës mes të dyve.

Gjithashtu sepse Kina, e cila po konsolidohet si një fuqi ekonomike, nuk ka asnjë interes për të marrë pjesë në  një luftë. Por kjo ishte e qartë që në fillim. Megjithatë, ajo që nuk është e qartë është se çfarë synon të bëjë Pekini: nëse do ta mbështesë Putinin, duke e ndihmuar atë ushtarakisht siç paralajmërojnë disa burime amerikane, apo do të përpiqet ta bindë atë të ndalojë për shkak të marrëdhënieve të privilegjuara që kanë krijuar ndër vite.
Përgjigja e shkurtër mund të jetë asnjëra.

“Më e gjata gjendet në fjalën e urtë “jie líng hái xu xì líng rén”, e cila e përkthyer pak a shumë do të thotë “është detyrë e kujtdo që i ka lidhur zile në qafë tigrit, që ta heqë”. Proverbi u shpreh në një moment në video-telefonaten mes Xi dhe Biden nga presidenti kinez” shkruan Fanpage.it.

SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.