Visa dhe Mastercard bllokojnë entet ruse – Respektojnë sanksionet qeveritare për të hequr nga rrjeti listën e ofruar 

Firmat e pagesave me kartë në SHBA, Visa dhe Mastercard, kanë bllokuar disa institucione financiare ruse nga rrjetet e tyre, në përputhje me sanksionet qeveritare të vendosura mbi sulmin e Moskës në Ukrainë.  Visa deklaroi se po vepron menjëherë për t’u përputhur me sanksionet dhe shtoi se do të dhurojë 2 milionë dollarë për ndihma humanitare. Mastercard premtoi gjithashtu se do të kontribuojë me 2 milionë dollarë.

“Do të vazhdojmë bashkëpunimin me rregullatorët në ditët në vijim, që të ndjekim plotësisht detyrimet, ndërkohë që ato zhvillohen”- deklaroi Mastercard. Sanksionet qeveritare i kërkojnë Visa që të pezullojë askesin tek rrjetet e veta për entet e listuara si Shtetasit e Caktuar Posacërisht.  Shtetet e Bashkuara kanë shtuar disa firma financiare të Rusisë tek lista, përfshirë bankën qendrore të vendit dhe huadhënësin e dytë më të madh, VTB.

Në fundjavë, SHBA, Britania, Europa dhe Kanadaja lajmëruan shkëputjen e disa huadhënësve rus nga sistemi ndërkombëtar i pagesave SWIFT.  Rusët i janë drejtuar bankomatëve dhe pritën në radhë të gjata në nisje të javës, prej shqetësimeve se kartat bankare mund të ndalojnë së funksionuari, apo se bankat do të limitojnë tërheqjet në para cash.  Rusia i ka quajtur veprimet në Ukrainë si një “operacion i veçantë ushtarak”. Shumë banka perëndimore, linja ajrore dhe kompani të tjera kanë ndërprerë lidhjet me Rusinë, duke i quajtur veprimet e vendit të papranueshme.

Klevis Llaha / SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.