Zgjedhjet Federale në Zvicër – Surprizojnë të gjelbrit prej shqetësimeve mbi ndryshimin klimatik
![](https://www.scan-tv.com/wp-content/uploads/2019/10/suisse_vote-765x383.jpg)
Partia e Gjelbër ka fituar mbështetje në zgjedhjet e ditës së Diel në Zvicër, duke i dhënë mundësinë ambientalistëve që të bëhen pjesë e koalicionit që ka qeverisur vendin prej dekadash.
Presidentja e partisë së gjelbër, Regula Rytz, së bashku me kandidatë të tjerë, u pritën me duartrokitje në selinë e partisë në Bern, pasi rezultatet e zgjedhjeve federale treguan një rritje më të madhe se ç’pritej të partisë.
“Është e pabesueshme që kemi fituar kaq shumë vende dhe të kuptojmë se njerëzit mendojnë që të gjelbrit janë ata që do bëjnë ndryshimin. Mendoj se njerëzit e kanë kuptuar se ekonomia jonë ka ecur kundër natyrës prej dekadash,” u shpreh Rytz.
Partia e djathtë ekstreme (SVP) qëndroi në vend të parë, sipas projeksioneve, por ashtu si partitë e tjera të mëdha, humbi mbështetje ndërkohë që partitë ambientaliste fituan vota prej shqetësimeve të ndryshimit klimatik.
Zvicra është e cënuar nga ndryshimi klimatik ndërkohë që temperaturat në vend po rriten dy herë sipër normës mesatare botërore.
Partia popullore (SVP), që fitoi numër rekord të vendeve në 2015-ën prej krizës së refugjatëve në Europë, ra në 25.8%, ndërsa përmasa e të gjelbërve u rrit në 13%. Partia e Gjelbër Liberale, u rrit në 7.9%, duke e çuar fuqinë e të dyjave në rreth 21%.
Së bashku, ato fituan 26 vende në parlamentin me 200 anëtarë, duke pasur mundësinë për të marrë një nga vendet në kabinetin me 7 anëtarë, që është Këshilli Federal.
Ndryshimi i vetëm 1 anëtari në kabinet do ishte historik, ndërkohë që të gjelbrit nuk kanë pasur asnjëherë vend në qeverinë federale.
SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.