BHP do të largojë aktivet në SHBA – Shell dhe Blackstone ofrojnë $10 mld për operacionet e naftës argjilore

Gjiganti i energjisë Royal Dutch Shell dhe firma e manaxhimit të portofolit në SHBA, Blackstone, po bashkëpunojnë për një ofertë prej 10 miliardë dollarë për njësinë amerikane të përpunimit të naftës argjilore të BHP Billiton.

Sipas analistëve, oferta e Shell dhe Blackstone do të jetë një nga disa propozime të besueshme që BHP do të marrë për operacionet e naftës argjilore në SHBA.  Kompanitë e kapitalit privat kanë qenë blerës aktiv të këtyre aseteve në SHBA në vitet e fundit.

Këtë javë, Devon bëri të ditur se ka shitur disa aktive të kësaj kategorie në Teksas për 553 milionë dollarë, ndaj një firme të manaxhimit të portofolit.

Presidenti i BHP Billiton për operacionet e naftës, Steve Pastor, tha se kompania do të konsiderojë këmbimin e disa prej aktiveve të naftës dhe gazit në tokë me konkurrentë që operojnë në det, në përpjekje për të dalë nga operacionet në SHBA.

BHP është kompania më e madhe e minierave në botë dhe tha pret oferta për operacionet në tremujorin e dytë.

Klevis Llaha/SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.