Çmimi i naftës sërish në rënie – Vazhdon humbjen e së Hënës. Shqetëson varianti Delta në tregjet kryesorë
Nafta është tërhequr përsëri, pas një rritjeje të lehtë në nisje të tregtisë, prej shqetësimeve mbi masat e reja të koronavirusit, së bashku me ngadalësimin e aktivitetit në fabrika tek tregjet kryesorë. Nafta brent e Londrës ra me 0.4% në 72.63 dollarë për fuçi, ndërsa nafta Bruto Amerikane ra me 0.2% në 71.1 dollarë për fuçi.
Të çmimet referencë të naftës humbën mbi 3% ditën e Hënë. Analistët theksuan si rrezik rikthimin e sfidave ekonomike tek konsumatori gjigant i naftës, Kina, ku po rriten rastet me koronavirus. Sipas vëzhguesve të tregut, një problem tjetër është ngadalësimi i aktivitetit të manifakturës, si në Kinë edhe në Shtetet e Bashkuara.
Aksionet aziatike janë tregtuar kryesisht në rënie në tregtinë e së Martës, ndërkohë që varianti Delta i koronavirusit është përhapur shpejt në tregje kryesor. Duke shtuar tensionet, Irani deklaroi se do të përgjigjet ndaj çdo kërcënimi në sigurinë e vendit, pasi Shtetet e Bashkuara, Izraeli dhe Britania fajësuan Teheranin për një sulm në një çisternë izraelite në bregun e Omanit. Më vonë gjatë javës pritet edhe publikimi i inventarëve të naftës në SHBA, që me shumë mundësi kanë rënë në javën e kaluar.
Klevis Llaha / SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.