Delegacioni i biznesit estonez viziton Ballkanin – “Potencial i madh bashkëpunimi, të gjithë sektorët mund të gjejnë një vend aty”

Maqedonia, Serbia dhe Shqipëria e konsiderojnë bashkëpunimin ekonomik me Estoninë si një potencial të madh. Kështu u shpreh delegacioni i biznesmenëve estonezë gjatë vizitës së tij në Ballkan në datat 12-16 mars, të organizuar nga Oda Ekonomike e Estonisë.

“Ndërsa dhjetë vjet më parë nuk kemi pasur marrëdhënie të konsiderueshme ekonomike me Ballkanin, deri tani kemi arritur në një pikë ku aderimi i vendeve të Ballkanit Perëndimor në Bashkimin Evropian shpresojmë se do të bëhet realitet në vitet e ardhshme. Një shtysë serioze të re për marrëdhëniet tona ekonomike “, tha Vaino Reinart, zëvendës sekretar i përgjithshëm i Ministrisë së Jashtme të Estonisë, në një njoftim për shtyp.

Mait Palts, drejtor i përgjithshëm i Dhomës së Tregtisë dhe Industrisë Estoneze, tha se mesazhi nga të gjitha vendet e vizituara ishte i njëjtë: Ka shumë mundësi për bizneset estoneze që të zgjerojnë biznesin e tyre në këto tregje.

Palts u ndal gjithashtu edhe te një marrëveshje bashkëpunimi midis Dhomës së Tregtisë dhe Industrisë Estoneze dhe Dhomës së Tregtisë dhe Industrisë së Serbisë gjatë vizitës së misionit në Serbi si dëshmi për dëshirën e të dyja palëve për të punuar së bashku.

“Unë u bëj thirrje bizneseve estoneze që të njihen më mirë me mundësitë e vendeve të Ballkanit, pasi pothuajse të gjithë sektorët mund të gjejnë një vend aty”, shtoi ai.

Tregtia e Estonisë me Maqedoninë, u rrit nga 400 mijë euro në vitin 2015 në 6 milionë euro vitin e kaluar. Importet dhe eksportet u rritën njësoj kryesisht si rezultat i rritjes së importeve dhe eksporteve të makinerive dhe pajisjeve.

Ndërkohë, me një popullsi prej shtatë milionë banorësh, Serbia ishte edhe vendi më i madh i vendeve të vizituara nga misioni. Tregtia midis Estonisë dhe Serbisë u rrit 25 për qind vit pas viti në 13 milionë euro në vitin 2017.

Sa përket vendit tonë, nga viti 2016 deri në vitin 2017, importet e Estonisë nga Shqipëria u rritën nga 100,000 euro në 5,1 milion euro, kryesisht si rezultat i rritjes së importit të krustaceve (ku bëjnë pjesë gaforret, karkalecat,etj) dhe molusqeve.

G.D/SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.