Europa e zhgënjyer nga G20 – “Takim surreal, tregtia e lirë dhe globalizimi në pikëpyetje”
Ministrat e financave të Eurozonës kanë shprehur shqetësime të qarta mbi të ardhmen e tregtisë së lirë globale pas takimit të ministrave të financave të G20-ës.
Ky takim sipas tyre ishte surreal. Pas një traditë që zgjat thuajse 10 vite për të promovuar tregtinë e lirë, ministrat e financave të 20 vendeve më të industrializuara të globit dhe bankierët qendroë të këtyre vendeve nuk folën aspak për këtë çështje, duke thyer traditën.
“Atmosfera nuk ishte negative apo armiqësore. Pavarësisht kësaj, ishte surreale pasi G20 ka për synim të gjejë gjuhën e bashkëpunimit“, deklaroi ministri Maltez i Financave, Edward Scicluna.
Në Maltë u zhvillua edhe takimi i G20, ndërkohë që vendi mban aktualisht presidencën e radhës së Bashkimit Europian.
Deklaratat e tij u bënë gjatë takimit periodik të ministrave të financave të Eurozonës në Bruksel.
Edhe ministri belg i financave ndau një shqetësim të ngjashëm.
“Duhet të bëjmë gjithçka për ta ndaluar këtë trend shqetësues dhe t’i kthejmë gjërat mbrapa në drejtimin e duhur“, deklaroi Johan Van Overtveldt.
“Ne në Europë jemi të gjithë të shqetësuar se tregtia e lirë dhe globalizimi po vendosen në pikëpyetje“, deklaroi nga ana tjetër Ministri i Financave të Luksemburgut, Pierre Gramegna.
Roel Korkuti/SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.