Gruri në bursën e Çikagos zgjeron fitimet – Çmimet u ndikuan nga tensioni në Detin e Zi dhe të korrat e ulta në SHBA!
Çmimi ndërkombëtar i grurit është rritur në tregtinë e të Mërkurës për shkak të ndërprerjeve të furznizimeve nga kriza në Ukrainë dhe prodhimi më i dobët sesa pritej për të korrat dimërore në Shtetet e Bashkuara, ndërkohë fitimet u kufizuan nga paqëndrueshmëria në tregjet më të gjera.
Kontrata më aktive e grurit në bursën e lëndëve të para të Chicagos me rrit 0.5% në 10.50 dollarë për shinik, duke zgjeruar fitimet në më shumë se 6% këtë javë.
Departamenti Amerikan i Bujqësisë vlerësoi në fillim të javës vetëm 30% të të korrave të grurit dimëror në Shtete e Bashkuara nga të mira deri në të shkëlqyera, 10 pikë, poshtë pritshmërive të analistëve. Ç’ka shtoi pasiguri mbi furnizimin global, mes tensioneve të rritura në rajonin e Detit të Zi.
Ndërkohë pritet që Shtetet e Bashkuara dhe aleatët e saj të përgadisin sanksione të reja ndaj Moskës për vrasjet e civilëve në Ukrainën Veriore.
Presidenti Vladimir Putin deklaroi të Martën se Rusia, prodhuesi kryesor i drithërave do të vëzhgojë me vëmendje eksportet e produkteve ushqimore në vendet armiqësore, pasi sanksionet e Perëndimit kanë nxitur një krizë globale ushqimore dhe çmime të larta të energjisë.
Soja u rrit me 0,5% në 16,39 dollarë për shinik, duke rritur fitimet për ditëne tretë radhazi, ndërsa misri nuk shënoi ndryshime, me 7.60 dollarë për shinik, pas rritjes dy ditore.
Për të lehtësuar pasiguritë për furnizimin, Komisioni Europian deklaroi të Martën se eksportet e grurit nga Bashkimi Evropian pritet të rriten në sezonin 2022-2023, ndërsa importet e misrit ka mundësi të bien, pasi tregjet e drithit përshtaten me luftën në Ukrainë.
Blerta Lata / SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.