Kanadaja ,do të investojë 1 miliard dollarë, globalisht në shëndetin e grave dhe vajzave çdo vit

Kryeministri kanadez, Justin Trudeau njoftoi se vendi i tij do të investojë 1.4 miliardë dollarë në vit, në shëndetin e grave dhe vajzave në mbarë botën, duke përfshirë 700 milionë dollarë për shëndetin seksual dhe riprodhues.

“Momenti për lidershipin kanadez është tani,” tha Trudeau në një konferencë shtypi në konferencën për Gratë, në Vancouver. “Të gjitha gratë, pa marrë parasysh se ku jetojnë, duhet të kenë kujdes shëndetësor të sigurt dhe cilësor, për të gjitha problemet që kanë nevojë. Duke investuar në shëndetin dhe të drejtat seksuale dhe riprodhuese si dhe në shëndetin e nënës, duke investuar tek të porsalindurit dhe fëmijët, ne mund të ndërtojmë një botë më të drejtë, të barabartë dhe më të begatë “– është shprehur kryeministri kanadez, Justin Trudeau.

Do të kryhet, një rritje e investimeve ekzistuese për shëndetin e grave dhe vajzave, me vlerë rreth 1.1 miliardë dollarë në vit, të cilat do të skadojnë në vitin 2020. Këto të ardhura, do të arrijnë shumën e plotë prej 1.4 miliardë dollarësh në vitin 2023 dhe do të vazhdojnë, në po të njëjtin nivel deri në vitin 2030.

Trudeau foli për një “shtyrje” globale kundër të drejtave të grave, duke përfshirë dhe veçanërisht qasjen në abort. Ai theksoi se disa nga fondet do të ndahen për grupet e grave, me qëllim mbështetjen e sipërmarrësve femra.

Elefteria Zguri/ SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.