Kinë, koha për të provuar paranë dixhitale – Banka Qendrore e Kinës, pas disa vitesh studime, teston sistemin e pagesave në katër qytete – SCAN MAGAZINE
Mediat kineze të vendit dhe ato shtetërore raportuan për testimet që po kryhen. Sipas tyre provat pasojnë disa vite studimesh nga banka qendrore, ata kanë nisur që në vitin 2014. Monedha e re, e cila nuk ka një emër zyrtar, por njihet me termin e saj të brendshëm “DC/EP” ose “monedha dixhitale/për pagesa elektronike.”
Kina është përpara shumë vendeve të tjera në përgatitjen e fillimit të një monedhe zyrtare dixhitale. Vitet e fundit, përdorimi i faturave dhe parave të letrës tradicionale ka rënë ndjeshëm, dhe pagesat në smartphone janë bërë aq të kudogjendura sa shumë njerëz kinezë, veçanërisht të rinjtë e zonave urbane kineze, nuk mbajnë më kuletat ose para nëpër xhepat e tyre për të bërë blerje.
Banka Qendrore e Kinës ka prezantuar një monedhë dixhitale të krijuar prej saj dhe që po testohet në katër qytete si pjesë e një programi pilot, duke shënuar një moment historik në rrugën drejt sistemit të parë të pagesave elektronike nga një bankë kryesore qendrore. Testet e brendshme të monedhës dixhitale janë duke u zhvilluar në katër qytete të mëdha të Kinës – Shenzhen, Suzhou, Chengdu dhe Xiong’an, një qytet periferik i Pekinit. Kjo po bëhet për të përmirësuar funksionalitetin e monedhës, konfirmoi Instituti i Kërkimit të Monedhës Dixhitale, në Bankën Popullore të Kinës, në javën e fundit të muajit prilli.
Mediat kineze të vendit dhe ato shtetërore raportuan për testimet që po kryhen. Sipas tyre provat pasojnë disa vite studimesh nga banka qendrore, ata kanë nisur që në vitin 2014. Monedha e re, e cila nuk ka një emër zyrtar, por njihet me termin e saj të brendshëm “DC/EP” ose “monedha dixhitale/për pagesa elektronike,” (digital coin/electronic payment) ndan disa veçori të përbashkëta me krypto monedhat e njohura tashmë si ‘bitcoin’ dhe ‘libra’ e Facebook Inc., kanë thënë zyrtarët e bankës qëndrore kineze. Duke mos i vënë një emër kriptomonedhës së tyre, bankierët qendrorë të Kinës janë zotuar të mbrojnë intimitetin e përdoruesve.
Qëllimi, kanë thënë bankierët qendrorë të Kinës, është të zëvendësojnë disa nga bazat monetare të Kinës, ose paratë në qarkullim. Por monedha dixhitale nuk do të zëvendësojë pjesët e tjera të furnizimit me para në vend, të tilla si depozitat bankare dhe bilancet e mbajtura nga platformat e pagesave private, ka thënë që vitin e kaluar Yi Gang, guvernatori i Bankës Qendrore të Kinës.
Instituti i Kërkimit brenda bankës qendrore kineze ka konfirmuar së fundi se projekti pilot është duke nisur me një test që përfshin katër qyete, për të qenë pjesërisht të përgatitur për Lojërat Olimpike Dimërore 2022 në Pekin. Instituti Kërkimor ka shtuar gjithashtu se monedha dixhitale nuk do të lëshohet në shkallë vendi ose në sasi të mëdha në një afat të shkurtër dhe kjo bëhet që testimi në të njëtën kohë të mos shkaktojë inflacion.
Në Xiangcheng, një krahinë lindore me kryeqendër qytetin Suzhou, qeveria do të fillojë të paguajë nëpunësit civilë për gjysmën e subvencioneve të tyre të transportit public në monedhë dixhitale që në muajin tjetër si pjesë e provës së gjerë që po bëhet në qytetit, sipas një punonjësi të qeverisë që po merret drejtpërdrejt me këtë çështje.
Punëtorët që marrin subvencionin nga qeveria u është thënë që të fillojnë të instalojnë një aplikacion në smartphonët e tyre që këtë muaj dhe aty ata do të kenë të transferuar në monedha dixhitale sasinë e parave që u takon, ka shpjeguar zyrtari kinez.
Nëpunësve civilë u është thënë njëkohësisht që monedha e re mund të transferohet edhe në llogaritë e tyre ekzistuese bankare, duke patur njëkohësisht mundësinë që të përdoret për disa blerje të caktuara, tha zyrtari.
Kina është përpara shumë vendeve të tjera në përgatitjen e fillimit të një monedhe zyrtare dixhitale. Vitet e fundit, përdorimi i faturave dhe parave të letrës tradicionale ka rënë ndjeshëm, dhe pagesat në smartphone janë bërë aq të kudogjendura sa shumë njerëz kinezë, veçanërisht të rinjtë e zonave urbane kineze, nuk mbajnë më kuletat ose para nëpër xhepat e tyre për të bërë blerje.
Në vend të kësaj, ata përdorin weChat Pay dhe Alipay të Tencent Holdings Ltd., platform të vëna në përdorim operacional nga Ant Financial Services Group, një bashkëpunëtor i Alibaba Group Holding Ltd.
Banka Qendrore e Kinës ka thënë se kalimi në një sistem të pagesave dixhitale të qeverisë do të ndihmojë në luftimin e pastrimit të parave, lojërave të fatit dhe financimit të terrorizmit. Ajo gjithashtu i ka promovuar monedhat dixhitale si një mënyrë për të përmirësuar efikasitetin e transaksioneve në sistemin e saj financiar.
Katër bankat më të mëdha shtetërore të Kinës i janë bashkuar bankës qendrore në zhvillimin e monedhës dixhitale. Fotografi të aplikacionit të portofolit të monedhës dixhitale, të bëra nga një prej bankave, Banka Bujqësore e Kinës Ltd., kanë qarkulluar gjerësisht në internet që nga mesi I muajit prill.
Fotografitë e paraqitura ishin për të treguar një sërë funksionesh, duke përfshirë lejimin e kursuesve për të ndjekur transaksionet e monedhës së re, menaxhimin e llogarive nga përdoruesit e tyre dhe mënyrat për të lidhur portofolin dixhital me llogaritë e tyre ekzistuese bankare.
SCAN MAGAZINE
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.