Nafta, në rritje të lehtë – Tensionet Rusi-Ukrainë mbështesin çmimet. Investitorët presin Fed
Nafta Brent është rritur lehtë në tregtinë e së Mërkurës, ndërkohë që tensionet gjeopolitike në Europë dhe Lindjen e Mesme, rritën shqetësimet në lidhje me ofertën. Investitorët kanë mbyllur gjithashtu pozicionet për të marrë fitim, përpara përditësimeve nga Rezerva Federale në SHBA dhe të dhënat mbi inventarët e naftës. Çmimet e naftës prekën nivelet më të larta në 7 vite gjatë javës së kaluar, prej shqetësimeve e oferta mund të tkurret përballë tensioneve mes Rusisë dhe Ukrainës.
Presidenti i SHBA, Joe Biden tha se do të konsiderojë sanksione personale ndaj Vladimir Putin, nëse Rusia sulmon Ukrainën. Liderët perëndimorë kanë përshpejtuar përgatitjen ushtarake dhe kanë bërë plane për të mbrojtur Europën nga një goditje e mundshme në ofertën e energjisë. Shqetësimet në Lindjen e Mesme u shtuan gjithashtu këtë javë, kur rebelët Houthi në Yemen nisën një raketë drejt një bazë në Emiratet e Bashkuara Arabe, që mbante trupa ushtarake amerikane. Sulmi u gjurmua dhe u shpërthye nga njësitë parandaluese amerikane, “Patriot Interceptors”. Nafta Brent u rrit me 0.2% në 88.33 dollarë për fuçi , duke rikuperuar humbjet më herët gjatë tregtisë.
Në sesionin e së Martës, kontrata u rrit me 2.2%. Nafta bruto amerikane ra me 0.1% në 85.48 dolarë për fuçi, pasi preku 2.8% në tregtinëe kaluar. Rezerva Federale përfundon takimin 2-ditor të politikave monetare., ku tregjet presin me ankth detaje për kohën dhe ritmin e rritjes së interesave. Të dhënat javore mbi inventarët të publikuara nga Instituti Amerikan i Naftës, rezultuan brenda pritshmërive. Inventarët e naftës pësuan rënie, ndërsa ato të benzinës u rritën, në javën që përfundoi më 21 Janar.
SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.