Orban i Hungarisë mbron azilin për Gruevskin: Ai është një aleat
Kryeministri Viktor Orban ka mbrotjur dhënien e azilit nga Hungaria të ish kryeministrit maqedonas Nikola Gruevski, duke e cilësuar atë si një aleat dhe duke akuzuar sistemin e drejtësisë të Maqedonisë për përfshirje në “lojëra” politike.
Ish-kryeministri maqedonas Nikola Gruevski iku në Hungari pasi në shtetin e tij u dënua me dy vjet burg për akuza të korrupsionit.
Gruevski mori azil politik të martën, duke nxitur kritika nga Maqedonia, Bashkimi Evropian dhe Shtetet e Bashkuara.
Orban tha se ai dhe Gruevski, i cili dha dorëheqje në 2016 pas një dekade në pushtet, kishin luftuar krah për krah për të ndaluar migrimin masiv përmes Ballkanit, që e bëri Maqedoninë dhe Gruevskin personalisht një aleat.
“E njoh këtë njeri, ai ishte një koleg i imi për një kohë të gjatë”, tha Orban në radio shtetërore mr1. Do të ishte shumë më e vështirë, nëse jo e pamundur, për të mbrojtur kufirin hungarez pa atë.”
“Njeriu i trajton në mënyrë të drejtë aleatët e tyre. Ne nuk mund ta vendosim atë mbi ligjin, por ne mund t’i japim atij një proces të rregullt.”
Policia maqedonase kishte lëshuar një urdhër arresti për Gruevskin pasi nuk u paraqit për të filluar dënimin e tij, pas vendimit të gjykatës së 9 nëntorit kundër mocionit të tij për një afat.
Orban tha se procedimet gjyqësore maqedonase kundër Gruevskit ishin të politizuara, kështu që ata nuk duhet të ndikojnë autoritetet hungareze.
“Lufta dhe lojëra komplekse politike po ndodhin në Maqedoni, dhe sistemi i drejtësisë është pjesë e kësaj,” tha ai. “Procedurat e Maqedonisë nuk kanë asnjë ndikim mbi ne. Ne vetëm kujdesemi nëse kërkesa (azili) është ligjërisht e shëndoshë”.
E.Z/SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.