Pandemia “gropos” sektorin e turizmin në Europën Jugore – Ekonomitë rajonale me varësi nga sektori përballë një vere boshe pas anulimit të udhëtimeve – SCAN MAGAZINE

Hotelet, restorantet, dyqanet e suvenireve, shërbimet e trageteve dhe shumë biznese të tjera të lidhura me sektorin e turizmit në të gjithë Evropën Jugore po përballen me një fat të ngjashëm ndërkohë që vera po afrohet, për shkak të pandemisë së koronavirusit e cila ende nuk po njeh kthim pas.

Udhëtimi dhe turizmi përbëjnë një pjesë relativisht të madhe të ekonomisë: 15% e Prodhimit të Brendshëm Bruto në Spanjë, 13% në Itali dhe 21% në Greqi, duke qenë një të njëtën kohë eshe sektori që krijon një përqindje të lartë të vendeve të punës në këto vende.

I vendosur shumë pranë plazhit dhe portit të madh të Valencias, Hotel Neptuno do të ishte në kohë normale në fund të prillit plot, ndërsa sezoni i turizmit në Spanjë hyn në ngarkesë të plotë. Por këtë vit, hoteli po përpiqet thjeshtë të mbijetojë. Në muajin e kaluar, hoteli në qytetin e tretë më të madh në Spanjë ka parë anulimin e 95% të prenotimeve për këtë verë. Drejtorja e hotelit Massiel Garcia ka pushuar 32 nga 40 punonjësit e hotelit të saj. Ata që ende punojnë thjeshtë janë duke pastruar dhe lyer hotelin dhe duke bërë përgatitje për atë që ajo shpreson se do të jetë një kthim i modest për rezervimet pasi Spanja dhe vendet e tjera fillojnë të heqin masat e mbylljes në javët e ardhshme. “Ky vit do të jetë një katastrofë,” thotë zonja Garcia.

Hotelet, restorantet, dyqanet e suvenireve, shërbimet e trageteve dhe shumë biznese të tjera të lidhura me sektorin e turizmit në të gjithë Evropën Jugore po përballen me një fat të ngjashëm ndërkohë që vera po afrohet, për shkak të pandemisë së koronavirusit e cila ende nuk po njeh kthim pas.

Turizmi do të bjerë në të gjithë botën këtë verë, dhe Evropa Jugore do të jetë ndër rajonet më të goditura. Udhëtimi dhe turizmi përbëjnë një pjesë relativisht të madhe të ekonomisë: 15% e Prodhimit të Brendshëm Bruto në Spanjë, 13% në Itali dhe 21% në Greqi, sipas Organizatës Botërore të Turizmit dhe Udhëtimeve, (World Travel and Tourism Council), duke qenë një të njëtën kohë eshe sektori që krijon një përqindje të lartë të vendeve të punës në këto vende.

Edhe pse deri në verë shumica e bllokimeve në Evropë dhe kontinentet e tjera pritet të hiqen, shumë kufizime në distancimin social do të vazhdojnë të mbeten, duke përfshirë rregullat dhe kufizimet që do të ndikojnë në udhëtime. Konsumatorët nuk pritet të kthehen në vendet që zgjidhin zakonisht më pare për të pushuar për ca kohë. “Frika nga udhëtimet do të zgjasë më shumë sesa vetë pandemia. Është e vështirë të presësh një rikuperim të menjëhershëm të sektorit të turizmit edhe pasi të hiqen masat e bllokimit,” thotë Steven Trypsteen, një ekonomist në bankën holandeze ING.

Disa vende të Evropës Jugore gjithashtu po përjetojnë rënie edhe për shkak të problemeve të mëparshme dhe pozicioneve të dobëta të ekonomisë. Ekonomitë italiane dhe greke ende nuk janë rikuperuar nga shqetësimet që përjetuan para, gjatë dhe pas krizës globale financiare të vitit 2008. Fondi Monetar Ndërkombëtar po parashikon që rënia e PBB-së këtë vit për Italinë të jetë rreth 9.1%, 10% për Greqinë dhe 8% për Spanjën.

Në një skenar optimist, gati një e treta e vendeve të punës në sektorin evropian të turizmit do të humbasin, të paktën në një afat të shkurtër, thotë Jennifer Iduh, drejtuese e kërkimeve në Komisionin Evropian të Udhëtimeve, një shoqatë e organizatave kombëtare të turizmit.

Industria e turizmit në Spanjë gjeneron afër tre milion vende punë, sipas WTTC. Goditja në sektorin e turizmit mund të ndihmojë që shtimi i shkallës së papunësisë në Spanjë të jetë edhe më i lartë shkalla prej 27% e regjistruar gjatë krizës së borxhit në eurozonë, nëse qeveria nuk siguron mbështetje, thotë Antonio Garcia Pascual, një profesor në Shkollën e Studimeve Ndërkombëtare të Avancuara, Johns Hopkins.

Ardhjet ndërkombëtare në vendet evropiane do të bien me 40% këtë vit, sipas një parashikimi të firmës këshilluese “Ekonomia e Turizmit”, botuar këtë muaj. Italia do të marrë goditjen më të madhe në rënien e këtyre ardhjeve të vizitorëve të huaj ndërkombëtarë që pritet të bien 49%. Në të gjithë Italinë, e cila ka qenë nën një bllokim mbarëkombëtar që nga 10 marsi, më shumë se 95% e hoteleve janë mbyllur. Sektorit po i shkaktohen humbje katastrofike, që vetëm për tre ditët gjatë fundjavës së Pashkëve llogariten të kenë qenë 300 milion euro, sipas Confindustria Alberghi. Plazhet dhe destinacionet malore të Italisë do të humbasin më së shumti nëse udhëtimet gjatë verës kufizohet shumë, por edhe për qytetet kryesore të vendit ndikimi nuk pritet të jetë më i vogël.

Via Savona, në zemër të njërës prej zonave të modës në Milano, normalisht do të duhej të ishte plot në mes të prillit kur njerëzit gëlojnë për panairin e mobiljeve, dizajnit dhe modës së qytetit. Në një mëngjes të ditëve të fundit ajo ishte kryesisht e shkretë, me heshtjen që thyhej vetëm nga ndonjë automobil i rastit ose nga ciklomotorët e shpërndarjes së ushqimit. Hotelet, restorantet dhe muzetë kudo janë të mbyllur.

Për Greqinë, goditja në një nga industritë e saj më të rëndësishme vjen në një kohë kur ekonomia e vendit kishte filluar të përmirësohej. Vendi ka përmbajtur shpërthimin e koronavirusit më mirë sesa shumë vende të tjera në Evropë, me 123 vdekje të regjistruara deri në javën e fundit të prillit, krahasuar me më shumë se 20,000 në Itali dhe Spanjë. Elena Athanasiadou ka bërë të gjitha anullimet e prenotimeve që ajo kishte pasur për deri në korrik për tetë apartamentet që jep me qira përmes Booking.com dhe Airbnb në Selanik, një qytet normalisht i gjallë në veri të Greqisë. Ajo nuk ka pasur asnjë mysafir të vetëm ose prenotim të ri që nga mesi i marsit, madje edhe për festat publike. “Është një fatkeqësi. Nuk kishte prenotime as për Pashkë dhe nuk ka asnjë për ditët e majit,” thotë ajo.

Në Hotel Neptuno në Valencias, Znj. Garcia shpreson se pavarësisht rënies turistët ndërkombëtarë mbase nuk do të mungojnë për fare, edhe pse nuk do të jetë si zakonisht kur të huajt përbëjnë rreth 80% të mysafirëve të saj. Besimi se udhëtarët ndërkombëtarë do të kthehen është gjallë në të gjithë Spanjën, pasi sipas WTTC, ata vitin e kaluar sollën 56% të të ardhurave të turizmit. /WSJ

SCAN Magazine

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.