Zgjedhjet, kreu i KQZ Zguri: Komisionerët të angazhohen në përmbylljen e shpejtë të procesit të numërimit
“Numëruesit dhe komisionerët të punojnë e të angazhohen për përmbylljen sa më shpejt të procesit të numërimit”. Kështu është shprehur në një deklaratë për mediat kreu i KQZ, Klement Zguri ku ndër të tjera iu bëri thirrje partive politike që të kontribuojnë në përmbylljen me sukses të këtij procesi.
“Numëruesit dhe komisionerët të angazhohen për përmbylljen e procesit te numërimit. Jam këtu për t’iu kujtuar se në Shqipëri mund të numërohet dhe votohet me transparencë të plotë. Të përmbyllet procesi brenda aftëve të përcaktuara në ligj. Numërimi, proces i pandalshëm, do të vijojë deri në leximin e votës së fundit nga qytetarët shqiptarë. Subjektet zgjedhore të kontribuojnë në përmbylljen me sukses të këtij procesi që të lejojnë numëruesit dhe komisionerët në përmbylljen e procesit. Procesi i numërimit ka vijuar normalisht me disa probleme të shfaqura. KQZ mori vlerësime nga OSBE/ODIHR dhe shpreson se vlerësimi do të shërbejë edhe për forcat politike, do të shërbejë për mbylljen e procesit të numërimit brenda afateve ligjore” tha Zguri.
SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.