Fushata “derë më derë”, Blushi: Do të mbështesim njerëzit më aftësi ndryshe

Kryetari i Libras, Ben Blushi, vazhdon fushatën e tij “100 km, derë më derë”.

Në zonën e Don Bosko, Blushi u ndal në disa biznese ku u shpjegoi atyre programin e LIBR-s.

Blushi është ndalur edhe në programin që ka kjo forcë sa i përket mbështetjes për personat me aftësi të kufizuar.

“Libra do nxjerrë nga persekutimi shtetëror me qindra e mijëra, deri në 30. 000 persona me aftësi të kufizuar në të gjithë Shqipërinë. Do ti japim fund që qeveritarët dhe administrata e korruptuar i fut duart në supa e në ushqime njerëzve me aftësi të kufizuar. Të vjedhësh njerëzit me aftësi të kufizuar është mëkati më I madh dhe kjo qeveri e ajo përpara kësaj, e ka bërë në mënyrë konstante. Kanë vjedhur njerëzit me aftësi të kufizuar. Kjo praktikë do marri fund! Do ndëshkohet çdo njeri që prek atë që meriton, atë që i takon këtyre personave.”

Ndërkohë LIBRA vazhdon fushatën e saj derë më derë për të siguruar një përfaqësi në parlament për mbështetësit e programit që ka kjo forcë politike.

Entela Barjamaj/SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.