Historia tregon se kush do ta fitojë “Champions League” këtë vit

Para një viti UEFA parashikoi se Real Madrid do të fitonte Ligën e Kampionëve bazuar në trendet dhe statistikat. A do ta përsëritet parashikimi i saktë këtë vit?

10 nga 11 ekipet e fundit kampione, kanë përfunduar të parat në krye të grupit. I vetmi përjashtim ishte Interi i Mourinho-s në vitin 2010, e cila arriti të kualifikohej për në raundin tjetër vetëm në ndeshjen e fundit ndaj Rubin Kazan. Gjithsesi ata tejkaluan çdo parashikim dhe luftuan fort në fazën e përballjeve direkte.

Kështu që ka lajme të këqija për: Paris Saint-Germain, Benfica, Manchester City, Bayern Munchen, Leverkusen, Real Madrid, Porto dhe Sevilla.

Që prej prezantimit të formatit aktual të Champions, asnjë ekip që ka pësuar më pak gola ka fitua. Dhe sipas këtij trendi, Juventus, Atletico Madrid, Borussia Dortmund, Benfica, City dhe Real janë jashtë garës për titull.

Gjithashtu asnjë ekip që kalon për herë të parë fazën e grupeve nuk ka arritur të fitojë. Kështu që gjasat që Leicester të shpallet kampione europe janë shumë të pakta.

21 ekipe e kanë ngritur trofeun në 42 edicionet e para. Që prej atëherë, në 19 sezone është shtuar vetëm një ekip në listën e fituesve, Chelsea. Ndaj nëse nuk e ke fituar më parë kupën, gjasat janë që s’do ta fitosh as këtë vit.

Ndaj Arsenal, Atletico, Leicester, Leverkusen, City, Monaco, Napoli, PSG dhe Sevilla janë jashtë gare.

Në përfundim, sipas këtij studimi “shkencor”, ekipi që do të shpallet kampion europe në 3 qershor në Kardif do të jetë…Barcelona.

Gjithsesi edhe për ekipin katallan ka një trend për të mundur. Asnjë nga pesë fituesit e fundit nuk e ka nisur si kampion në fuqi në vendin e tyre.

Burimi: UEFA

Përshtati: Angelo Haruni/SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.