Nxitje për turizmin – Rama: Taksa e ulur në 6% do të formalizojë tregun

Në një takim me operatorët turistik të Përmetit, kreu i socialistëve ka dëgjuar problematikat që i shoqërojnë ata në punën e tyre. Edi Rama është shprehur se fluksi i turistëve po kapërcen kapacitetet dhe për këtë duhet që shteti dhe operatoret duhet të jenë të përgatitur.

Fondi kombëtar i garancisë për bujqësinë duhet të merret në konsideratë sipas Ramës, pasi është një mundësi që do të ndihmojë në zhvillimin e mëtejshëm të aktiviteteve të tyre fitimprurëse.

Rama është shprehur se përparësi do të ketë investimi në rrugët rurale që sigurojë prodhim më të madh. Por edhe akset ndërlidhëse mes vendeve do të kenë rëndësinë e tyre në investime për të garantuar zhvillimin ekonomik por edhe rritje të punësimit në vitet e ardhshme.

Entela Barjamaj/SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.