30 mijë vota të pavlefshme-Kryeson Tirana! Cila ishte tendenca e këtyre zgjedhjeve krahasuar me ato të 2009 e të 2013?

Nga procesi i numërimit të votave të 25 qershorit jaën konstatuar rreth 30 mijë vota të pavlefshme në rang kombëtar. Referuar të dhënave të Komisionit Qendror të Zgjedhjeve, qarku i Kukësit rezulton qarku me numrin më të ulët të votave të pavlefshme ndërsa Tirana kryeson si qarku me numrin më të lartë të votave të pavlefshme duke shënuar një diferencim të dukshëm nga mesatarja e qarqeve të tjera.

Berat

1.667 vota të pavlefshme

Dibër

1.745 vota të pavlefshme

Durrës

2.555 vota të pavlefshme

Elbasan

2.686 vota të pavlefshme

Fier

3.475 vota të pavlefshme

Gjirokastër

1.045 vota të pavlefshme

Korçë

2.716 vota të pavlefshme

Kukës

840 vota të pavlefshme

Lezhë

1.386 vota të pavlefshme

Shkodër

2.290 vota të pavlefshme

Tiranë

7.560 vota të pavlefshme

Vlorë

1.779 vota të pavlefshme

Krahasuar me zgjedhjet e vitit 2013, rezulton se në rang kombëtar kemi një rritje të numrit të votave të pavlefshme.  Në vitin 2013, numri I votave të pavlefshme ishte rreth 24 mijë ndërsa në zgjedhjet e vitit 2009 ishte rreth 42 mijë.

Fletët e votimit ndahen nga Grupet e Numërimit në vota të vlefshme, në vota të  pavlefshme dhe në fletë votimi të kontestuara. Vota të vlefshme janë vetëm fletët e votimit, në të cilat është votuar qartësisht vetëm për njërin nga subjektet zgjedhore në fletën e votimit.

Krahas gabimeve që mund të jenë bërë gjatë procesit të votimit që i kanë bërë votat e pavlefshme edhe në këto zgjedhje nuk kanë munguar fushatat për të bërë të pavlefshme fletët e votimit si shenjë refuzimi.

SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.