Balla në Elbasan – Rritja e pensioneve do të bëhet gradualisht
Drejtuesi politik i PS në qarkun e Elbasanit, Taulant Balla ka zhvilluar një takim elektoral me pensionistët e këtij qyteti.
Në bashkëbisedimin që Balla zhvilloi me pensionistët i njohu ato me reformat e qeverisë Rama si dhe projektet për katër vitet e ardhshme, ku një vëmendje e veçantë do t’i kushtohet edhe shtresë së pensionistëve.
“Ne futëm në skemën e sigurimeve shoqërore, për të rritur kapitalin për pensionet 200 000 punonjës, të cilët ishin në punë, por ishin marrë në qafë, e ishin kthyer në skllevër, sepse nuk paguanin sigurime shoqërore. Shpëtuam ata 200 000, por më shumë se kaq shpëtuam skemën e pensioneve të Shqipërisë. Sot jemi në raportin 1.7 me 1, përsëri jemi larg asaj ku duhet të jemi, 3.4-3.5 duhet të jetë raporti i vendeve si Shqipëria.”
Ndërsa në përfundim të fjalës së tij, ai u tha pensionistëve se rritja e pensioneve është një rritje që duhet të vazhdojë gradualisht çdo vit.
Entela Barjamaj/SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.