Taksat më të ulëta në Europë – Basha: Do t’i japim ekonomisë oksigjenin e munguar

Partia Demokratike ka zhvilluar mitingun e fundit në Gjirokastër për zgjedhjet e 25 qershorit. Basha së bashku me kandidatët për deputetë në qarkun e Gjirokastrës janë zotuar për një ekonomi më të fortë në katër vitet e ardhshme.

Sipas Bashës Shqipëria do të ketë taksat dhe TVSH-në më të ulët në Europë .

“Kishte 4 vjet kohë dhe 16 miliardë euro në dispozicion, por nuk pati asnjë minutë kohë të mendonte për ju dhe prioritetet tuaja. Edhe kur bridhte jashtë shettit kishte vetëm nëj dëshirë, të ekspozonte pikturat e tij, të ndiqte shfaqjet sportive. Unë vetëm dy ditë në SHBA nuk harxhova asnjë minutë kohë për tekat e mia, por u takova me investitorë të fuqishëm për t’u shpjeguar planin tim ekonomik që të vijnë dhe do të vijë për të investuar në këtë vend”.

Basha ka vijuar më tej se nëse votojnë Ramën nuk do të ketë as rritje pensionesh e as zhvillim ekonomik.

“Dua t’u them atyre që s’e kanë ndarë akoma mendjen këtë javë të fundit se ndryshimi i madh mes asaj që përfaqëson Edi Rama dhe asaj që përfaqësoj unë është kjo: Edi Rama nuk mbajti premtime, se nuk kishte prioritet e as plan për t’i mbajtur premtimet, sepse i vetmi qëllim i tij është timoni. Unë nuk vij me premtime, por me plan për të nxjerrë ekonominë nga kriza, përmes uljes së taksave, përmes hapjes së vendeve të punës, jo palma e zyra e udhëtime luksi e tendera e konçensione, por rritje pensionesh, pagash, shkolla dinjitoze me drekë të paguar nga “republika e re”, studentë të mbështetur”.

Më tej Basha është shprehur se zgjidhja për situatën dhe plani i tij ekonomik është bazuar në politikat ekonomike të vendeve më ët zhvilluara të Europës.

Entela Barjamaj/SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.