Vendet e reja të punës, Basha: Do të mbështesim financiarisht çdo kompani që punëson të rinj

Mallakastra ka qenë destinacioni i radhës ku Lulzim Basha ka shpalosur programin  elektoral të Partisë Demokratike.

Basha është shprehur se do të bëjë ndryshimin e ekonomisë shqiptare duke ulur taksat e duke hapur vende të sigurta punësimi.

Ndërkohë që do të ofrojnë mbështetje financiare për çdo kompani që hap vende të reja pune.

Basha është shprehur se do të ofrojnë 10 mijë praktika në vit të paguara për studentë që dalin nga auditorët për ti aftësuar në profesionin e tyre.

Sipas kreut të demokratëve, 400 milionë euro më shumë do jenë në xhepat e konsumatorit si rezultat i uljes së TVSH-së që do të bëj zhbllokimin e ekonomisë nga kolapsi.

Entela Barjamaj/SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.